विश्वकप फुटबल खेल खेल्न  छनोट हुने जापान पहिलो टिम

जेठ २१,

                         विश्वकप फुटबल २०१४ का लागि छनोट हुने जापान पहिलो राष्ट्र बनेको छ । एसियाली राष्ट्रहरुको मंगलबार भएको छनोट खेलमा अस्ट्रेलियासँग १–१ को बराबरी खेल्दै जापानले ब्राजिलमा अर्को वर्ष हुने विश्वकपको यात्रामा सामेल भएको छ । मंगलबार भएको खेलमा अस्ट्रेलियाले ८४ औं मिनेटमा टमी ओरको गोलबाट अग्रता लिएपनि त्यसलाई जोगाउन भने  सकेन । खेलको अन्तिम समयमा जापानका केइसुके होन्डाले गोल गर्दै खेल बराबरीमा पुर्‍याए र टोलीको विश्वकपको यात्रा सुनिश्चित गरेका छन् ।

एसियाली राष्ट्रहरुको समूह बी मा रहेको जापान ७ खेलबाट १४ अंक जोड्दै शीर्ष स्थानमा रहेको छ । उसले ४ खेलमा जित, २ खेलमा बराबरी र १ खेलमा हारको नतिजा  पनि निकालेको छ र  जापान यस अघि सन् २००२ र २०१० मा अन्तिम १६ सम्म पुगेको थियो । यस्तै आयोजकका हिसाबले राष्ट्र ब्राजिल भने यसअघि नै छनोट भैसकेको छ ।