राम्रो असल बुहारी बन्नको लागि १० काइदा 

                 बुहारीहरुको लागि  चुनौतिको कुरा भनेकै कर्म   घर हो। अनि परम्परागत नेपाली समाजमा सासु बुहारीको मेल खासै पाइँदैन र  कुरा काट्ने प्रवृत्ति तथा एकले अर्कोको अस्तित्व नस्विकार्ने प्रवृत्तिका कारण पनि महिलाहरुका लागि लोग्ने बाहेकका कर्मघरका सदस्यहरु त्यति राम्रो  लाग्दैनन्।  घरको सासु-बुहारी, ससुरा-बुहारी तथा नन्द-भाउजु सबैको मिल्नु अति आवश्यक रहेको हुन्छ।

यी कुराको परिपालना गर्ने हो भने अबस्य पनि कर्मघरमा बुहारीले   सबैले असल भन्नेछन्:

१ . सकारात्मक दृष्टिकोण : सासु पुरानो जमानाकी हुने भएकाले सबैको सोँचाइ पनि सोही अनुरुपको हुन सक्छ । त्यसैले उहाँको सोँचाइलाई पनि अन्तस्करण गरी स्वभाविक र सकारात्मक ढंगले ग्रहण गरी सोही अनुसार प्रस्तुत हुनुपर्छ ।

२ . सम्बेदंशिलाता:  उमेर तथा अनुभवले खारिएका सासु आमाहरुले जिवनमा धेरै हन्डर ठक्कर खाएका हुन्छन् । आफुले हुर्काएको छोराको जिवनमा कोही महिला आएको छ र छोराको माया ममता आमाबाट अर्कै महिलामा सरेको कुरा उनीहरुले सहजै स्विकारेका हुन्छन् । अझ श्रीमान गुमाइसकेका सासु आमाहरुको भर भनेकै छोरा बुहारीमा हुन्छ ।

३ . समानता:  आफुलाई जन्म दिने आम र कर्म घरको आमालाई एकै ठाउमा हेर्नु पर्दछ।आफ्नी आमालाई बढि माया गर्ने र सासुलाई हेला गर्ने वा वास्ता नगर्ने भुल कहिले त्यस्तो  नगर्नुहोस् । यसो गर्नुभयो भने तपाइँको श्रीमानको मन पनि दुख्छ ।

४ . सम्मान: सासु आमालाई सम्मान गर्नुहोस्, पाको र बुद्धिमान सम्झिनुहोस् । सासुआमासँग राम्ररी कुरा गर्ने, विगतका अनुभव सुन्ने तथा उपदेश मान्ने गर्नुहोस् ।

५ . धेरै बढि महत्वाकांक्षा आफुले  नराख्नुहोस्, र सधै आशावादी रहनुहोस् ।

६ . आफ्नो सासु आमाको इच्छा तथा आवश्यकताप्रति सधै  चनाखो हुनुहोस् पूरा गर्ने तत्परता देखाउनुहोस् ।

७ . आफ्नो सासुआमा संग आफ्नो सबै कुरा खुलेर गर्ने। परिवारमा हुन् लागेको नया कुरा काम बिषयमा कुरा   नलुकाउने।

८ . सधै सासुआमाबाट सल्लाह सुझाव लिएर मात्र  काम गर्ने बानी बसाल्नुहोस् ।

९  . सासु आमालाई बच्चाबच्चीको सधै स्याहार गर्न प्रयाप्त मौका समय दिनु पर्छ।

१० . सासुको कुनै व्यवहारले चित्त दुखेको छ भने उहाँको अगाडि कडि्कने काम नगर्नुहोस् । कारण तथा परिस्थिति बुझेर आफ्नो श्रीमानसँग खुलस्त कुरा गरेर समस्या टुंगाउनुहोस् ।